ٹیکس وصولی کے حوالے سے اہم پیش رفت،چھ ماہ کی مدت میں ریکارڈ ٹیکس وصولی

ٹیکس وصولی کے حوالے سے اہم پیش رفت،چھ ماہ کی مدت میں ریکارڈ ٹیکس وصولی

ٹیکس وصولی کے حوالے سے اہم پیش رفت،چھ ماہ کی مدت میں ریکارڈ ٹیکس وصولی

چھ ماہ کی مدت میں ریکارڈ ٹیکس وصولی ہوئی ۔ گزشتہ روز وزیرِ اعظم عمران خان نے ٹیکس اصلاحات پر جائزہ اجلاس کی صدرات کی ۔اجلاس میں وفاقی وزراء عبدالحفیظ شیخ، شبلی فراز، حماد اظہر، مشیر ڈاکٹر عشرت حسین، معاونِ خصوصی ڈاکٹر وقار مسعود، چیئرمین فیڈرل بورڈ آف ریونیو جاوید غنی اور متعلقہ اعلی حکام نے شرکت کی ۔

اجلاس میں وزیرِ اعظم کو بتایا گیا کہ رواں مالی سال 6 ماہ کی مدت میں ٹیکس کی مد میں جمع ہونے والی رقم 2205 ارب روپے سے تجاوز کر چکی ہے ۔اجلاس کو آگاہ کیا گیا کہ ٹیکس کے نظام میں متعدد اہم اصلاحات کے مثبت نتائج سامنے آئے ہیں، ٹیکس دہندگان کی تعداد میں اضافے کا رجحان دیکھنے میں آیا ہے، ٹیکس وصولی کے نظام کو خودکار بنایا جارہا ہے اور ٹیکس دہندگان کو ٹیکس دینے پر مراعات اور سہولیات دی جارہی ہیں۔

نئے ڈیجیٹل نظام کو اس قدر خودکار بنا دیا گیا ہے کہ اس میں شفافیت کا عنصر نمایاں اور کرپشن و ٹیکس چوری کو کم کیا جا سکے گا، چھوٹے اور درمیانے درجے کے کاروبار کیلئے ٹیکس فارم کو چھوٹا اور آسان کرکے 5 سے صرف ایک صفحے پر مشتمل بنایا گیا ہے جس میں 200 اینٹریوں کو کم کرکے صرف 24 تک محدود کر دیا گیا ہی. ،سیلز ٹیکس کے حوالے سے وزیرِ اعظم کو بتایا گیا کہ سیلز ٹیکس کی وصول کردہ رقم میں بھی اضافے کا رجحان ہے جس کی بڑی وجہ پوائنٹ آف سیل سسٹم کے ذریعے کمپنی کا براہِ راست تعلق ایف بی آر کے سسٹم سے قائم ہونا ہے ۔

وزیرِ اعظم نے وفاقی وزرائ ، معاونِ خصوصی رینیو اور چیئرمین ایف بی آر کے ساتھ ساتھ مجموعی طور نظام میں اصلاحات لانے والے حکام کو سراہا،وزیرِ اعظم نے اس موقع پر کہا کہ ٹیکس دہندگان پاکستان کے محسن ہیں جو خراجِ تحسین کے حقدار ہیں، نظام میں ایسے اقدامات کا بھی اضافہ کیا جائے جس سے ٹیکس دہندگان کی پذیرائی کی جائےچھوٹے اور درمیانے درجے کے کاروبار کیلئے ٹیکس فارم میں آسانیاں،وزیرِ اعظم کا ٹیکس دہندگان کو خراجِ تحسین

 

Leave a Reply

Your email address will not be published. Required fields are marked *