امریکی وزیر خارجہ کے نگراں پاکستانی وزیراعظم کو دیے گئے

خیال رہے کہ عمران خان نے 27 مارچ 2022 کو اپنی حکومت کے خاتمے سے چند دن قبل اسلام آباد میں ایک بڑے جلسۂ عام کے سامنے دعویٰ کیا تھا کہ ’بیرون ملک‘ یعنی امریکہ، سے ان کی حکومت گرانے کی سازش ہو رہی ہے اور انھیں ‘تحریری دھمکی دی گئی ہے۔‘

ناصرف امریکی دفتر خارجہ بلکہ پاکستانی حکام بھی متعدد بار پاکستان میں ’رجیم چینج‘ کے دعوؤں کی پرزور تردید کر چکے ہیں۔

مگر ایکس پر قارئین نے اس اضافی معلومات کو ’مدد گار‘ قرار دیا ہے جس میں کہا گیا ہے کہ یہ بات ’اہم سیاق و سابق‘ دیتی ہے اور ’سمجھنے میں آسان‘ ہے۔

ایکس (ٹوئٹر) پر کمیونٹی نوٹس کا فیچر کیا ہے؟

ایکس کے مطابق کمیونٹی نوٹس کا مقصد پلیٹ فارم پر لوگوں کو خودمختار بنانا ہے تاکہ قارئین خود سے ممکنہ طور پر گمراہ کن پیغامات میں سیاق و سباق کا اضافہ کر سکیں۔

ایکس پر کوئی بھی صارف ’کانٹریبیوٹر‘ بن سکتا ہے، یعنی کمیونٹی نوٹس لکھنے کا اہل ہو سکتا ہے۔ یہ کرنے کے لیے تمام تقاضے پورے کر کے سائن اپ کیا جاتا ہے، کمیونٹی نوٹس لکھے جاتے ہیں اور دوسرے کے نوٹس پر ریٹنگ دی جاتی ہے۔

کانٹریبیوٹر ’کسی بھی ٹویٹ کے حوالے سے نوٹ لکھ سکتے ہیں۔‘ مگر اسے صرف اس صورت میں عام صارفین کے لیے ظاہر کیا جاتا ہے کہ جب کانٹریبیوٹرز کی ایک بڑی تعداد ’جو مختلف آرا رکھتے ہوں، وہ لکھی گئی معلومات کو ’مددگار‘ کی ریٹنگ دیں۔‘

’ایکس‘ کے مطابق یہ ضروری نہیں کہ کمیونٹی نوٹس ٹوئٹر کا نظریہ پیش کریں۔ ایکس کا دعویٰ ہے کہ وہ نہ ہی کمیونٹی نوٹس لکھتا ہے، نہ انھیں ریٹنگ دیتا ہے اور نہ ہی ان میں رد و بدل کر سکتا ہے۔ ان نوٹس کو صرف اس صورت میں حذف کیا جاتا ہے کہ اگر یہ پلیٹ فارم کے قواعد و ضوابط کی خلاف ورزی کریں۔

ایکس کا دعویٰ ہے کہ کمیونٹی نوٹس ’اکثریت‘ کے اصول پر نہیں ظاہر نہیں کیے جاتے۔ ’مددگار نوٹس کی نشاندہی کے لیے وسیع پیمانے پر کانٹریبیوٹرز کے درمیان اتفاق ہونا چاہیے۔ ایسے کانٹریبیوٹر کی بھی حامی درکار ہوتی ہے جنھوں نے ماضی میں ریٹنگ سے اتفاق نہ کیا ہوا۔ اس سے یکطرفہ ریٹنگ کے عمل کو روکا جاتا ہے۔‘

کانٹریبیوٹرز کو ان کے اصل ناموں سے نہیں بلکہ عرفیت سے جانا جاتا ہے۔

جس کانٹریبیوٹر نے انٹونی بلنکن کے ٹویٹ پر کمیونٹی نوٹ ڈالا ان کا نام ’آپٹیمسٹک سکائی آسٹرچ‘ ہے۔ ایکس کے مطابق اب تک ان کے تین نوٹس کو ’مددگار‘ کا درجہ ملا ہے۔

کمیونٹی نوٹس کے ذریعے قارئین غلط معلومات کی نشاندہی کر سکتے ہیں۔ جیسے جب جیکسن ہنکل نامی ایک صارف نے دعویٰ کیا کہ امریکہ شام سے اپنی فوجیں نکال رہا ہے اور ’اسد کی فتح‘ ہوئی ہے تو اس کے نیچے ایک کمیونٹی نوٹ کا اضافہ کیا گیا جس میں لکھا تھا کہ پینٹاگون نے اس حوالے سے کوئی اعلان نہیں کیا۔

اسی طرح بعض ویڈیوز پر تبصروں کی بھی نگرانی کی جاتی ہے۔ جیسے سابق امریکی صدر براک اوباما کی ایک ویڈیو شیئر کر کے ان سے ایک بیان منسوب کیا گیا کہ ’عام مرد و خواتین اتنی چھوٹی ذہنیت کے ہوتے ہیں کہ وہ اپنے امور نہیں چلا سکتے۔‘

اس پر یہ کمیونٹی نوٹ ڈالا گیا کہ ’ویڈیو کلپ کو گمراہ کن انداز میں ایڈٹ کیا گیا۔ پوری ویڈیو کے لیے یہاں کلک کریں۔‘